JIACHIE: Unapokutana na vitu vya watoto madukani unajisikiaje?

katika kitu ambacho huwezi kukiepuka ni kuona vitu vya watoto, hasa ukiwa ni mtu unaependa kutembea sana madukani. hebu mdau leo funguka useme  unavyojisikia pale unapokutana navyo....

pangine familia haikuelewi, wakwe ndio usiseme, huenda hata na mume nae hakusomi vizuri. kwanini ufe na tai shingoni!!! jiachie shosti hapa ndio penyewe, mwanamke na uzazi ipo kwa ajili yako.

 

basi niwaambie ya kwangu; msinicheke lakini.. au nijicheke mwenyewe? hahahaahha!!

kuna siku mwenzenu nilienda mlimani city wakati bado mpya mpya, na mimi wakati huo ndio nasaka kwa kwenda mbele, nikajidai kuingia game na mimi nikashangae lol!!! basi nikatembea tembea nikakutana na ile section ya watoto, na wanavyojua kupanga vitu vizuri basi, nikajisogeza duh nikaona vitu vizuriiiii lakini ndio sina uwezo wa kuvinunua. Jamani mwenzenu niliganda pale nilipokuwa kama nimewekwa super glue, miguu hata kunyanyua siwezi, nikahisi kama kitu kimenikaba rohoni  na machozi yanataka kunitoka, nikamuona muhudumu anatembea kuelekea nilipo mimi basi ikabidi nijikaze nikafanya kama natoa kitu machoni kumbe nafuta machozi huyoooo nikaishia zangu na mlimani city hapakukalika tena

JIACHE: Positive Test result

kwa wale wasaka wenzangu, najua twaisubiri kwa hamu saaaaaaana, itafika very soon, be positive

Hebu jiachie uniambie itakuwaje siku hii?

Hakuna  lisilowezekana chini ya jua, na ukipata matitabu sahihi infertiility inatibika.
"kwa neema  ya mungu kila mwanamke atanyonyesha."

JIACHIE : Negative Test Result

Hivi mdau unajisikiaje pale unapokuwa na tamaa na ikifika mwisho wa mwezi unakuta kitu holaaaaa!!!!

JIACHIE... hii ni sehemu ya kutoa dukuduku lako moyoni, ili wadau wakusikilize na kukupa ushauri, mawazo na kukutia moyo. Usijali mpendwa hauko peke yako na kumbuka iko siku zamu yako itafika